کن کن علاقوں میں بارش ہونیوالی ہے محکمہ موسمیات نے پیشگی بتا دیا

اسلام آباد(نیوز ڈیسک)محکمہ موسمیات کے مطابق آئندہ چوبیس گھنٹوں کے دوران ملک کے بیشتر علاقوں میں موسم سرد اور خشک جبکہ بالائی علاقوں اور شمالی بلوچستان میں شدید سرد رہے گا۔ پنجاب کے میدانی علاقوں اور بالائی سندھ میں دھند چھائے رہنے کا امکان ہے۔ رپورٹ کے مطابق گذشتہ 24 گھنٹوں کے دوران بالائی خیبر پختونخوا، کشمیر، گلگت بلتستان، شمال مشرقی پنجاب، خطۂ پوٹھوہار کے بعض علاقوں میں کہیں

کہیں ہلکی بارش ہوئی۔پنجاب کے وسطی اور جنوبی میدانی علاقوں میں دھند چھائی رہی۔ ملک کے دیگر علاقوں میں موسم سرد اور خشک رہا ہے،دوسری جانب شدید دھند کے باعث موٹروے ایم تھری کو لاہور سے عبد الحکیم اور سمندری تک عارضی طور پر بند کر دی گئی ہے۔پنجاب کے مختلف شہروں میں دھند کا سلسہ جاری ہے جس کے باعث موٹر وے کو مختلف مقامات پر ٹریفک کے لیے بند کر دی گئی ہے۔ترجمان موٹر وے پولیس کے مطابق شدید دھند کے باعث لاہور سیالکوٹ اور خانیوال سے ملتان موٹروے بھی بند کر دی ۔ قومی شاہراہ پر مانگا منڈی، دینہ ناتھ، پھول نگر، جمبر، پتوکی اور حبیب آ باد میں بھی دھند چھائی ہوئی ہے، ان علاقوں میں حد نگاہ 100میٹررہ گئی ہے۔ترجمان موٹروے کا کہنا ہے کہ ڈرائیور گاڑیوں پر فوگ لائٹس کا استعمال کر یں اور اگلی گاڑی سے مناسب فاصلہ رکھیں۔ ترجمان موٹروے نے ڈرائیور حضرات کو ہدایت کی ہے کہ دھند کے دوران شہری غیر ضر وری سفر سے گریز کریں اور دوران سفر فوگ لائٹس کا استعمال کریں گاڑیوں کے درمیان فاصلہ رکھیں اور مشکل صورت حال میں مزید معلومات کے لئے موٹر وے کی ہیلپ لائن 130 اور پٹرولنگ پولیس کی ہیلپ لائن 1134پر رابطہ کریں۔

سرکاری سکولوں میں نیا تعلیمی سال کس مہینے سے شروع ہوگا؟سالانہ امتحانات سے متعلق بھی بڑا اعلان کردیا گیا

مکوآنہ (نیوز ڈیسک )سرکاری سکولوں میں نیا تعلیمی سال 15 مئی سے شروع کرنے کا فیصلہ،کورونا پیٹرن کے تحت اس سال امتحانی پرچے آسان،مارکنگ نارمل طریقہ سے کی جائے گی. پنجاب سکول ایجوکیشن ڈیپارٹمنٹ کے فیصلوں کے مطابق پنجاب بھر کے تمام سرکاری سکولوں میں نیا تعلیمی سال 15 مئی سے شروع ہوگا جبکہ کچی کلاس سے ہفتم کلاس تک کے سالانہ امتحانات اپریل کے آخری ہفتہ سے لیکر مئی کے

پہلے عشرہ تک ہونگے، سالانہ امتحانات کا نیا خصوصی کورونا پیٹرن بھی جاری کردیا گیا ہے جس کے تحت 50 فیصد نمبر ہوم ورک کے رکھے گئے ہیں یہہوم ورک طلباء کو آن لائن یا پھر سکول بلاکر دیا جائے گا جبکہ50فیصد نمبر امتحانی پرچوں کے ہونگے،سالانہ پرچے نارمل انداز میں لئے جائیں گے جبکہ امسال کورونا کے باعث پرچے زیادہ سخت نہیں ہونگے،مارکنگ بھی نارمل ہوگی،موسم گرما کی تعطیلات اس سال 10 یا 15 جون سے شروع ہونگی اور 15 اگست سے تمام سکول دوبارہ کھل جائیں گے،دوسری جانب محکمہ سپیشلائزڈ ہیلتھ کی سنگین غفلت سے فیکلٹی پوری نہ ہونے پر سرکاری میڈیکل اور ڈینٹل کالجز میں ایم بی بی ایس اور بی ڈی ایس کی 283 سیٹیں کم کر دی گئیں، سینکڑوں طلبا کا ڈاکٹر بننے کاخواب چکنا چور ہوگیا’ پنجاب کے سرکاری کالجز میں ایم بی بی ایس کی 3405 سیٹیں کم ہو کر 3138، بی ڈی ایس کی سیٹیں 216 سے کم ہو کر 200 رہ گئیں، پنجاب میں سرکاری میڈیکل کالجز میں داخلے کے خواہاں سینکڑوں طلبا کا مستقبل تاریک ہوگیا، ایم بی بی ایس کی 267 اور بی ڈی ایس کی 16 سیٹیں کم کی گئی ہیں، کم ہونے والی سیٹوں میں سب سے زیادہ شیخ خلیفہ بن زید میڈیکل کالج کی 62 سیٹیں شامل ہیں، شیخ خلیفہ بن زید میڈیکل کالج وفاق کے زیر انتظام ہونے پر سیٹیں دوسرے صوبوں کو دیدی گئی۔ نشتر اور پنجاب میڈیکل کالج کی ایم بی بی ایس کی 75، 75 سیٹیں، قائد اعظم میڈیکل کالج کی 25 سیٹیں کم کی گئی ہیں، نشتر ، پنجاب اور قائداعظم میڈیکل کالجز میں سیٹیں فیکلٹی کی شدید کمی کے باعث کم کی گئی ہیں، راولپنڈی میڈیکل کالج میں ایم بی بی ایس کی 20 سیٹیں بڑھا دی گئیں، نشتر انسٹی ٹیوٹ آف ڈینٹسٹری میں بی ڈی ایس کی 16 سیٹیں کم کی گئی ہیں۔ ذرائع کے مطابق محکمہ سپیشلائزڈ ہیلتھ کی جانب سے بروقت فیکلٹی کی کمی دور نہ کرنے سے ایم بی بی ایس اور بی ڈی ایس کی سیٹیں کم ہوئیں، پاکستان میڈیکل کمیشن کی بار بار وارننگ کے باوجود سرکاری میڈیکل اینڈ ڈینٹل کالجز میں فیکلٹی کی شدید کمی کو دور نہیں کیا جاسکا۔

کون کون سے نوٹ 2مہینے بعد بندہونے والےہیں؟عوام کے لیے بڑی خبرآگئی

نئی دہلی(ویب ڈیسک )100، 10 اور پانچ روپے کے پرانے نوٹ کو لے کر بڑی خبر سامنے آرہی ہے ۔ ریزرو بینک آف انڈیا نے جانکاری دی ہے کہ جلد ہی یہ نوٹ چلن سے باہر ہوسکتے ہیں ۔ مارچ کے بعد آر بی آئی سبھی پرانے نوٹوں کو چلن سے باہر کرسکتی ہے ۔ حالانکہ اس سلسلہ میں آربی آئی کی جانب سے آفیشیل طور پر کچھ بھی نہیں کہا گیا ہے ۔ ریزرو بینک آف انڈیا کے اسسٹنٹ جنرلمینیجر بی مہیش نے کہا کہ آر بی

آئی ان پرانے نوٹوں کی سیریز کو واپس لینے کے منصوبہ پر کام کررہی ہے ۔منی کنٹرول کی ایک خبر کے مطابق بی مہیش نے یہ بات ڈسٹرکٹ لیول سیکورٹی کمیٹی کی میٹنگ میں کہی ہے ۔ دراصل 100 روپے ، 10 روپے اور پانچ روپے کے پرانے نوٹ کے بدلے نئے نوٹ پہلے سے ہی سرکولیشن میں آچکے ہیں ۔ ایسے میں اگر پرانے نوٹوں کو بند بھی کیا جائے گا تو لوگوں کو کوئی پریشانی نہیں ہوگی ۔آپ کو بتادیں کہ ریزرو بینک آف انڈیا نے کہا کہ لوگوں کو نوٹ بندی کے وقت کافی پریشانی ہوئی تھی تو اس مرتبہ آر بی آئی یہ یقینی بنائے گا کہ جتنے پرانے نوٹ سرکولیشن میں ہیں ، اتنے ہی نئے نوٹ مارکیٹ میں آجائیں ، جس سے لوگوں کو کوئی پریشانی نہ ہو اور اس سیریز کو اچانک بند نہیں کیا جائے گا ۔ریزرو بینک آف انڈیا نے سال 2019 میں جب 100 روپے کے نوٹ جاری کئے تھے ، تبھی واضح کردیا تھا کہ پہلے جاری کئے گئے سبھی 100 روپے کے نوٹ بھی قانون طور پر چلتے رہیں گے ۔ اس کے علاوہ آر بی آئی نے 8 نومبر 2016 کو نوٹ بندی کے بعد 2000 روپے نوٹ کے علاوہ 200 روپے کے نوٹ جاری کئے تھے ۔آپ کو بتادیں کہ آر بی آئی وقتا فوقتا پرانے نوٹوں کو واپس لیتا رہتا ہے اور نئے نوٹ جاری کرتا رہتا ہے ۔ جعلی نوٹوں پر لگام لگانے کیلئے آر بی آئی کی جانب سے یہ قدم اٹھایا جاتا ہے ۔ آفیشیل اعلان کے بعد بند کئے گئے سبھی پرانے نوٹوں کو بینک میں جمع کرانا ہوتا ہے ۔

کہیں موبائل کیمرہ سے آپ کو کوئی دیکھ تو نہیں رہا؟ جانیں موبائل میں موجود 3 حیران کن فیچرز جس کے بارے میں آپ نہیں جانتے

موبائل فون آج کل ایک ایسی ٹیکنالوجی ہے جس کے ذریعے ہم ڈھیروں فوائد حاصل کر سکتے ہیں۔ ایک موبائل فون ہمارے لیے کیمرہ، نوٹ بک، فون ثابت ہوتا ہے۔ تاہم موبائل کے کچھ ایسے پوشیدہ راز بھی ہیں جو یقیناً آپ میں سے بہت سے لوگ نہیں جانتے ہوں گے۔

آج ہم آپ کو موبائل کے ان ہی فیچرز اور کچھ ایپس کے بارے میں بتانے جا رہے ہیں جن کا عمل بہت کم صارفین کو ہے۔

نئی ایپلیکیشن ڈاؤن لوڈ

جب بھی ہم کوئی نئی ایپلیکیشن ڈاؤن لوڈ کرتے ہیں تو وہ آپ کے فون کے ڈیٹا اور تصاویر وغیرہ پر ایکسس کے لیے اجازت طلب کرتی ہے اور آپ کو وہ دینی پڑتی ہے ورنہ آپ وہ ایپلیکیشن ڈاؤن لوڈ نہیں کر سکیں گے۔ تاہم ایکسس حاصل کرنے والے افراد کسی بھی وقت آپ کے فون پر کنٹرول حاصل کر سکتے ہیں۔ تاہم اگر کسی بھی ایپلیکیشن کے افراد ہمارا کوئی ڈیٹا حاصل کرنے لگیں تو ہمیں کیسے معلوم ہو؟ پلے اسٹور میں جا کر آپ ایکسس ڈاٹس نامی ایپلیکیشن کو ڈاؤن لوڈ کر لیں۔ یہ ایپ آپ کے جاسوس کی طرح کام کرے گی۔ جب بھی کوئی آپ کا فون ایکسس کرنے کی کوشش کرے گا تو موبائل کے اوپر ایک لال گول نشان بنا آجائے گا۔ اس سے آپ فوری طور پر یہ ایپ ان انسٹال کر سکتے ہیں جس سے وہ رسائی حاصل نہیں کر سکے گا۔

ائیر پلین موڈ

فون میں موجود ائیر پلین موڈ سے سب واقف ہیں۔ اور یہ بھی جانتے ہیں کہ اگر جہاز میں سفر کریں تو اسے آن کر لیا جاتا ہے لیکن اس کا ایک اور فائدہ بھی ہے۔ جب بھی آپ کسی ایسی جگہ ہوں جہاں موبائل کے سگنل نا آرہے ہوں یا ڈیٹا نا چلے تو آپ فوراً ائیر پلین موڈ آ کریں اس کے دو سے تین منٹ بعد آف کر دیں۔ سگنل فوری طور پر واپس آ جائیں گے۔

کیمرہ ایکسس

بہت سی ایپلیکیشن جہاں ڈیٹا کی معلومات مانگتی ہیں وہیں کیمرہ ایکسس کرنے کی بھی معلومات مانگتی ہیں۔ اس سے ہوتا یہ ہے کہ کوئی بھی آپ کے فون کے کیمرہ کے ذریعے آپ کی لوکیشن اور سرگرمیاں دیکھ سکتا ہے۔ اس کے لیے آپ کو سب سے پہلے کیمرہ لیس نامی ایپ ڈاؤن لوڈ کرنی ہے اور پھر اپنے تمام ایپس کے کیمرے بلاک کر دینے ہیں۔

انسانی صحت کا راز صرف تین آیات میں پوشیدہ

مصر کے ماہر غذائیات اور موٹاپے کے معالج ڈاکٹر عماد فہمی نے ایک ٹی وی انٹرویو میں بتایا کہ انسانی صحت کا راز صرف تین آیات میں پوشیدہ ہے۔ انہوں نے پہلی آیت بتائی کہ (الاعراف آیت 31) جس کا ترجمہ ہے، “کھاؤ پیو اور حد سے تجاوز نہ کرو“۔ اس آیت کی تشریح کرتے ہوئے ڈاکٹر عماد فہمی بتایا کہ ڈاکٹر اکثر نشاستہ اور چکنائی سے منع کرتے ہیں، حالانکہ یہ دونوں چیزیں انسانی صحت کے لیے بنیادی اہمیت رکھتی ہیں، انہوں نے کہا کہ اصل چیز جس سے منع کیا جانا چاہیے وہ حد سے تجاوز ہے۔ دوسری آیت بتاتے ہوئے انہوں نے کہا کہ (الانبیاء آیت 30) جس کا ترجمہ ہے، اور پانی سے ہر زندہ چیز پیدا کی۔

ڈاکٹر عماد فہمی نے کہا کہ پیاس لگے یا نہ لگے پانی ضرور پیجئے، طبی معیار کے مطابق ہر شخص اپنے وزن کے ہر ایک کلو پر 30 ملی گرام پانی پیئے۔ مثلاً اگر کسی کا وزن 70 کلو ہے تو وہ 2100 ملی گرام یعنی 2 لیٹر اور 100 گرام تقریباً 8 گلاس پانی روزانہ پیئے، یہ جگر، گردوں اور دل کی اچھی کارکردگی کے لیے نہایت ضروری ہے۔

ڈاکٹر عماد فہمی نے تیسری آیت سورۃ النباء کی آیت 11 بتائی، جس کا ترجمہ یہ ہے کہ اور رات کو پردہ پوش اور دن کو معاش کا وقت بنایا۔ مصر کے ڈاکٹر عماد فہمی نے اس کی تشریح کرتے ہوئے کہا کہ رات کو جلدی سویا جائے اور صبح جلدی اٹھا جائے۔ یہ سب سے بہترین نسخہ ہے جو آپ کو نہ موٹا کرے گا اور نہ ہی بیمار کرے گا۔

شادی کے ایک سال بعد شوہر کی موت ہوگئی تھی اور پھر ۔۔۔ جانیئے ریکھا کی زندگی کی اصل کہانی جو آپ بھی نہیں جانتے ہوں گے

کوئی بھی پیشہ اختیار کرنا آسان نہیں ہے جیسے آج کے دور میں نوکری حاصل کرنا آسان نہ تھا ایسے ہی پہلے کے دور میں اداکار بننا آسان نہیں تھا، آج تو ٹک ٹاک جیسی سستی شہرت نے لوگوں کو اسٹار بنا کر رکھ دیا ہے اور جو لوگ اسٹار بن جائیں ان کی زندگی کے تمام چھوٹے بڑے معملات پر میڈیا کی نظریں جمی رہتی ہیں۔ ایسی ہی ایک مایہ ناز اداکارہ ریکھا ہیں جن کے بارے میں انیسویں دہائی سے لے کر آج تک ہر ایک بات مداح جاننا چاہتے ہیں۔

اداکارہ ریکھا کی زندگی کے کچھ راز:

٭ بھارتی اداکارہ ریکھا نے محض 3 سال کی عمر میں فلمی دنیا میں قدم رکھا تھا اور جب سے اب تک یہ 700 سے زائد فلموں اور چھوٹے سٹیج ڈراموں میں کام کر چکی ہیں۔

٭ ان کا اصل نام بھانو ریکھا گنیشم ہے، یہ اکتوبر 1954ء کو مدراس میں پیدا ہوئیں۔

٭ ریکھا کو اداکارہ بننے کا کوئی شوق نہ تھا بلکہ ان کی والدی بھی ایک اداکارہ رھیں اور انہوں نے زبردستی ریکھا کو اداکارہ بننے پر زور دیا تھا۔

٭ یہ ایئر ہوسٹس بننا چاہتی تھیں مگر معاشی حالات نے ان کو اداکارہ بنا دیا۔

٭ ریکھا کو جب ہندی فلم میں پہلی بار کاسٹ کرنے کے لئے ڈائریکٹر ملے تو انہوں نے سوال کیا کہ ہندی آتی جس پر ریکھا نے کہا نہیں، انہوں نے پوچھا کہ فلم میں کام کرنا ہے جس پر ریکھا نے دوبارہ نہیں کا جواب دیا مگر ان کی اداؤں کو دیکھ کر فلم میں کاسٹ کرلیا گیا۔

٭ ریکھا نے کبھی ڈانس نہیں سیکھا اور نہ ہندی۔۔ یہ دونوں چیزیں ان کو خود بخود آگئی تھیں اور 400 فلمیں کرنے کے بعد تو ریکھا اسکرپٹ بھی بار بار نہیں پڑھتی تھیں کیونکہ ان کو ڈائیلاگز کا اندازہ ہو جاتا ہے۔

٭ ریکھا کے والدین ساؤتھ انڈین اداکار تھے مگر دونوں کی کبھی شادی نہیں ہوئی تھی، اور ریکھا بھی اپنے والد کا تزکرہ زیادہ نہیں کرتی ہیں۔

٭ ریکھا کی شادیوں سے متعلق اکثر اسکینڈلز آتے رہے ہیں مگر ایک انٹرویو میں ریکھا نے بتایا کہ:

” میری پہلی شادی 1990 میں مکیش اگروال سے ہوئی تھی اور وہ ایک سال کے بعد ہی مر گئے تھے انہوں نے خودکشی کی تھی جس کے بعد لوگوں نے مجھے لعن تعن دی کہ میری وجہ سے انہوں نے ایسا کیا جب کہ اس بات میں کوئی صداقت نہیں تھی۔”

٭ زندگی کے ایک تلخ راز سے متعلق بتائے ہوئے اداکارہ کا کہنا تھا کہ:

” مجھے اداکار ونود مہرا کی ماں نے چپل سے مارنے کی کوشش کی تھی جبکہ میری کوئی غلطی نہیں تھی، ونود مہرا نے مجھ سے محبت کی پھر شادی کی خبریں اتنی عام ہوئیں کہ مجھے ان کی والدہ نے مارنا پیٹنا شروع کردیا تھا، ہمیشہ سے مجھے دھوکے ملتے آئے ہیں، میں نے زندگی کو چٹان کی طرح لڑ کر گزارا ہے۔”

٭ ان کی زندگی کا ایک اور خاص راز یہ بھی ہے کہ اداکارہ ریکھا کو امیتابھ بچن سے محبت تھی مگر امیتابھ نے ان کو قبول نہ کیا اور جیا بچن کے ساتھ ریکھا کی سالوں تک لڑائی تھی لیکن 5 سال قبل دونوں نے ایک دوسرے کو ایک ایوارڈ کی تقریب میں گلے سے لگا لیا تھا۔

انڈے کی زردی میں یہ چھوٹا سا سفید نما تار کیوں ہوتا ہے؟ وجہ جو آپ کو بھی معلوم نہیں

ناشتہ ہو یا رات کا کھانا انڈوں کا استعمال ہر گھر میں روزانہ ہی ہوتا ہے کوئی فرائی اندے کھاتا ہے تو کوئی انڈوں کو بیکنگ کے لئے استعمال کرتا ہے تو کوئی وزن کم کرنے کے لئے مگر کیا آپ کو معلوم ہے کہ انڈے کے اندر نظر آنے والی چھوٹی سی ایک تار نما چیز کیوں ہوتی ہے یہ کیا ہے؟

سفید نما تار:

انڈے کی زردی کے پاس موجود اس سفید تار کو chalazae کہا جاتا ہے۔ جس کو اگر آپ ہٹا کر نہ بھی کھائیں تو اس سے کسی قسم کا کوئی خطرہ نہیں ہوتا۔

بنیادی طور پر یہ سفید تار انڈے کی زردی کو انڈے کے شیل سے جوڑے رکھتا ہے اور جب انڈہ ٹوٹتا ہے تو یہ تار اپنی اصلی شکل برقرار نہیں رکھ پاتا اور بعض اوقات ظاہر ہو جاتا ہے۔

جب مرغی میں وٹامن اے کی کمی ہو اور وہ انڈہ دے تو عموماً ماہرین کا خیال یہ ہے کہ اس دوران دیئے جانے والے انڈوں میں یہ تار نظر آتا ہے مگر اس کا کوئی نقصان نہیں ہوتا۔

تحریک انصاف کو سینیٹ الیکشن سے قبل ہی خوشخبری سنا دی گئی، پنجاب میں ایک اضافی نشست ملنے کا امکان

اسلام آباد (نیوز ڈیسک) وفاقی وزیرداخلہ شیخ رشید نے کہا ہے کہ عمران خان حکومت کا کوئی اتحادی چھوڑ کر نہیں جارہا، عمران خان کی سینیٹ الیکشن میں پنجاب میں ایک سیٹ بڑھ جائے گی، عمران خان کا بڑا پن ہے وہ کہتا ہے خفیہ ووٹنگ ہوجائے، عمران خان ووٹ کم ہونے کے ڈر سے سپریم کورٹ نہیں جارہا۔ انہوں

نے پریس کانفرنس کرتے ہوئے کہا کہ ہم پی ڈی ایم کی حد تک فیصلہ کیا ہے کہ سینیٹ کے الیکشن مارچ کے پہلے ہفتے میں ہورہے ہیں، دوسرے ہفتے میں رمضان شریف آجائے گا،جس طرح الیکشن کمیشن کے باہر سلوک رکھا ہم ان سے تعاون کیلئے تیار ہیں، ہم خود دعوت دیتے ہیں کہ پرامن جلوس کی اجازت ہوگی، اگر قانون ہاتھ میں لیں گے تو قانون ایکشن لے گا۔یہ سینیٹ الیکشن سے پہلے لانگ مارچ کریں یا بعد میں ہم ان کے ساتھ تعاون کریں گے۔ہم اپوزیشن کیلئے کوئی مسئلہ کھڑا نہیں کریں گے۔شیخ رشید نے کہا کہ عمران خان سے کوئی اتحادی پیچھے نہیں ہٹ رہا، سینیٹ الیکشن میں عمران خان کی ایک آدھ سیٹ بڑھ جائے گی، ان کا بڑا پن ہے وہ کہتا ہے چلو خفیہ الیکشن ہوجائے۔ سپریم کورٹ میں عمران خان ووٹ کم ہونے کے ڈر سے نہیں جارہا، بلکہ پنجاب میں سیٹ بڑھے گی۔انہوں نے کہا کہ براڈ شیٹ کی تحقیقات کیلئے کمیٹی بن رہی ہے، براڈ شیٹ کو بھی دیکھا جائے گا، اسی طرح ساری جماعتیں فارن فنڈنگ میں آگئی ہیں، تمام مسائل کو قانون کے تحٹ دیکھیں گے۔انہوں نے کہا کہ فضل الرحمان ان کے پیچھے لگ کر خراب ہوں گے، فضل الرحمان نے ملک وقوم کو بڑا وقت ضائع کیا ہے، اسرائیل ، کشمیر اور ختم نبوت کے نام پر مولانا فضل الرحمان نے بڑا وقت خراب کیا ہے،جب ملاعمر کا وقت تھا، مدارس کے بچوں نے رائفل اٹھائی ہوئی تو مولانا فضل الرحمان ،درانی کے ساتھ مشرف کے ساتھ ملا کرتے تھے۔میں انہی اجلاسوں میں شریک ہوتا تھا۔انہوں نے کہا کہ جسٹس عظمت سعید پر ان کو اعتراض ہے، تو کیا جسٹس قیوم کو دے دیں؟ابھی تحقیقات کرنی ہیں، عظمت سعید بڑے جج کا نام ہے، ن لیگ کے لوگ ججز، اداروں اور فوج کے شایان شان بات نہیں کرتے جو ان کے قابل ہوتا ہے۔ بلاول بھٹو سمجھدار ہوگیا ہے، تحریک عدم اعتماد اپوزیشن کا قانونی حق ہے۔مدرسے کے طلباء نے الیکشن کمیشن کے سامنے احتجاج میں شریک نہ ہوکربڑی ذمہ داری کا ثبوت دیا ہے ۔

شریف فیملی کیخلاف کوئی چیز سامنے نہیں آسکی، عدالت نے شریف فیملی کو کلین چٹ دیدی

لاہور (نیوز ڈیسک) قائد ن لیگ اور سابق وزیراعظم نوازشریف کے صاحبزادے حسین نوازنے کہا ہے کہ لندن کی ثالثی عدالت نے شریف فیملی کو کلین چٹ دے دی ہے، جج سرانتھونی نے فیصلے میں لکھا کہ شریف فیملی کیخلاف کوئی چیز سامنے نہیں آسکی، اسلام آباد میں پروپیگنڈے کا کارخانہ لگا ہوا ہے، چیلنج کرتا ہوں

ثبوت پیش کریں۔ انہوں نے براڈشیٹ سے متعلق حکومتی بیانات پر اپنے ردعمل میں کہا کہ ثالثی عدالت کے جج سرانتھونی ایونزکا فیصلہ سمجھنے کیلئے پڑھنا ضروری ہے، جج نے فیصلے میں لکھا کہ نوازشریف یا ان کے خاندان کے افراد کیخلاف کوئی چیز سامنے نہیں آسکی۔جج کے یہ ریمارکس شریف خاندان کیلئے کلین چٹ ہیں۔ انہوں نے کہا کہ ہمارے مخالفین جب بھی کسی غیرجانبدار فورم پر گئے ان کو منہ کی کھانا پڑی۔جلسوں میں بڑے بڑے دعوے کرنے والوں کو چیلنج کرتا ہوں ثبوت پیش کریں۔اسلام آباد میں جھوٹ اور پروپیگنڈے کا کارخانہ لگا ہوا ہے۔ ایک ارب ڈالر منتقل کرنے کے دعوے میں کوئی صداقت نہیں ہے۔ انہوں نے کہا کہ فارن فنڈنگ کیس میں عمرا ن خان کیخلاف الیکشن کمیشن کا ایکشن نہ لینا سمجھ سے بالاتر ہے، کابینہ میں شامل کرپٹ وزراء کو کوئی پوچھنے والا نہیں ہے۔مزید برآں سینیئر لیگی رہنما مصدق ملک نے گزشتہ روز اپنے بیان میں بتایا کہ تحریک انصاف کی حکومت نے 2019 میں لندن کی ثالثی عدالت میں اپیل دائر کرتے ہوئے موقف اختیار کیا کہ پانامہ جے آئی ٹی کی رپورٹ کو ثبوت کے طور پر نہ دیکھا جائے کیوں کہ اس میں موجود اعداد و شمار درست نہیں ہیں۔ وہ صرف سزا دلوانے کے لیے تیار کی گئی تھی۔براڈشیٹ نے جب نیب اور حکومت پاکستان کے خلاف ہرجانے کا دعویٰ دائر کیا تو اپنا کیس مضبوط کرنے کیلئے پانامہ جے آئی ٹی کی رپورٹ کا حوالہ دیا، جے آئی ٹی نے اپنی رپورٹ میں ایوان فیلڈ اپارٹمنٹ کی قیمت کا تعین کیا تھا اور براڈشیٹ

اسی قیمت کے کی شرح سے حکومت پاکستان سے جرمانہ مانگ طلب کر رہی تھی۔لیکن حکومت نے وہاں جے آئی ٹی کی رپورٹ کے اعداد و شمار کو غلط کہا۔ لیگی رہنما نے کہا کہ واٹس ایپ پر بنی جے آئی ٹی کی رپورٹ کو ان کے اپنے لوگوں نے لندن میں مسترد کردیا۔ اگر ہم نے کرپشن کی ہوتی تو لندن سے ریکوری ہو جاتی، اس سے قبل شہزاد اکبر لندن سے کسی کا 450 ملین روپے لے کر آئے ہیں، لیکن اگر ہماری کرپشن ثابت ہوتی ہو ہمارے پیسے بھی یہ واپس لے آتے ۔ مصدق ملک نے کہا کہ اب واضح ہو چکا ہے کہ پانامہ نواز شریف کو سزا دلوانے کے لیے بنایا گیا تھا۔

بریکنگ نیوز!!تعلیمی ادارں بارے حکومت کا بڑافیصلہ سامنے آ گیا،بڑا اعلان کر دیا

لاہور (نیوز ڈیسک) پنجاب میں تعلیمی ادارے کھولنے سے متعلق نوٹیفکیشن جاری کردیا گیا۔تفصیلات کے مطابق پنجاب میں تعلیمی ادارے مکمل طور پر کھولنے میں بس چند روز ہی رہ گئے ہیں۔ حکومت کی جناب سے پرائمری اور ایلیمنٹری سکولز یکم فروری سے کھولنے کا اعلان کیا گیا تھا اور اب ں تعلیمی

ادارےکھولنے سے متعلق نوٹیفکیشن جاری کردیا گیا ہے۔نوٹیفیکیشن کے مطابق پرائمری اور ایلیمنٹری سکولوں میں تعلیمی سرگرمیاں یکم فروری سے شروع ہوں گی۔محکمہ اسکول ایجوکیشن کے جاری کیے گئے مراسلے کے مطابق فیصلے کا اطلاق صوبے بھر کے نجی و سرکاری تعلیمی اداروں سمیت مدرسوں پر ہو گا۔نوٹیفیکیشن میں مزید کہا گیا ہے کہ تعلیمی اداروں میں کورونا ایس او پیز پر عمل درآمد یقینی بنایا جائے۔دوسری جانب وزیر تعلیم پنجاب مراد راس نے میڈیا سے گفتگو کرتے ہوئے کہا کہ 18 جنوری نویں دسویں کی کلاسز کھل جائیں گے۔کورونا کے دوران تعلیم کا سب سے زیادہ نقصان ہوا،25 سے پہلے پہلی جماعت سے آٹھویں جماعت تک کلاسیں کھل جائیں گی۔ جب کہ یکم فروری سے یونیورسٹیاں بھی کھول دی جائیں گی۔ایک وقت میں سکول میں 50 فیصد سے زائد بچوں کی بٹھانے کی اجازت نہیں ہو گی۔مراد راس نے مزید کہا کہ اگر سکولز دوبارہ بند کرنا پڑے تو فوری طور پر بند کر دیں گے۔امتحانات سے متعلق بات کرتے ہوئے انہوں نے کہا کہ کچھ لوگ کہہ رہے ہیں امتحانات اگست میں ہوں، لیکن میں چاہتا ہوں کہ امتحانات مئی میں ہوں۔انہوں نے مزید کہا کہ اس بار کسی بچے کو بغیر امتحانات کے پاس نہیں کریں گے۔قبل ازیں انہوں نے نجی ٹی وی سے گفتگو کرتے ہوئے کہا کہ ہم نے پہلے بھی لاک ڈاؤن کیا تھا، کورونا کی صورتحال کچھ بہتر لگ رہی تھی، کورونا کیسز کا گراف تھوڑا نیچے آگیا ہے، میرا خیال ہے جس طرح ہم نے باقی سیکٹرز ایس اوپیز کے کھول رکھے ہیں، اب ہم دوبارہ کھولنے جارہے ہیں، ایس اوپیز پر عمل کروائیں گے، سکول کھولنے کا ایک مشکل فیصلہ ہے کیونکہ سب سے زیادہ نقصان بچوں کا ہورہا ہے۔