آفر پر آفر! حفیظ شیخ کو ووٹ نہ دینے والے حکومتی اراکین نے پی ڈی ایم کو کیا پیشکش کر دی؟ بڑی خبر

اسلام آباد (نیوز ڈیسک ) پاکستان مسلم لیگ ن کے رہنما طلال چوہدری کا کہنا ہے کہ جن حکومتی لوگوں نے یوسف رضا گیلانی کو ووٹ دیا انہوں نے کہا کہ اگر آفر قائم ہے تو اعتماد کے ووٹ کے لیے بھی آپ کے ساتھ ہیں۔تفصیلات کے مطابق پاکستان مسلم لیگ ن کے مرکزی رہنما طلال چوہدری کا کہنا ہے

کہ چاہتے ہیں کہ پنجاب میں پاکستان مسلم لیگ ن کی حکومت قائم ہو۔ ن لیگ کے مرکزی رہنما طلال چوہدری نے کہا کہ دعوے سے کہہ رہا ہوں جن ایم این ایز نے ووٹ دیے ان کا وزیراعظم کو پتہ ہے۔انہوں نے کہا فواد چوہدری کو یہ بھی پتہ ہے کہ کس نے کون سی پارٹی کا ٹکٹ لیا ہے؟ ان کا دعویٰ تھا کہ فواد چوہدری کو 16 ایم این ایز کے ناموں کو پتہ ہے۔طلال چوہدری نے کہا کہ جن لوگوں نے یوسف رضا گیلانی کو ووٹ دیا تھا۔انہوں نے کہا کہ اگر آفر قائم ہے تو اعتماد کے ووٹ کے لیے بھی آپ کے ساتھ ہیں۔ن لیگ کے رہنما طلال چوہدری نے کہا کہ وزیراعظم عثمان بزدار کی جگہ کسی اور پی ٹی آئی کے بندے کو وزیراعلیٰ نہیں بنا سکتے ہیں۔انہوں نے کہا چوہدری برادران کو اتنا سادہ نہ سمجھیں۔جب کہ ابق وزیراعظم اور نو منتخب سینیٹر یوسف رضا گیلانی نے کہا ہے کہ عمران خان جن ووٹر کو کرپٹ اور ضمیر فروش کہہ رہے ہیں ان کو نکال کر اعتماد کا ووٹ لیں ،ہمیں ووٹ دینے والے نہ کل آپ کے تھے، نہ آج ہیں اور نہ کل ہونگے۔نو منتخب سینیٹر یوسف رضا گیلانی نے کہاکہ سینیٹ الیکشن میں تعاون پر پی ڈی ایم کے اراکین پارلیمان کا مشکور ہوں،بھرپور سینیٹ الیکشن لڑنے پر پی ڈی ایم قیادت کو خراج تحسین پیش کرتا ہوں۔ انہوںنے کہاکہ اسلام آباد سے نشست پر الیکشن کو بطور چیلنج قبول کیا، حکومت کے مقابلے میں الیکشن لڑنا معمولی بات نہیں ہے،حکومت نے سینیٹ الیکشن میں اراکین سے بھاری فنڈز کے وعدے کئے۔

ابا مجھے نہیں جانا، سسرالیوں سے ڈر لگ رہا ہے ۔۔۔۔ رخصتی پر زیادہ رونے کی وجہ سے دلہن کی اچانک موت کیوں ہوئی؟ جان کر آپ کو بھی یقین نہیں آئے گا

شادی کے تقریبات دلہن اور دولہا سمیت ان کے گھر والے بہت محبت اور خوشیوں سے مناتے ہیں۔ لیکن ایک وقت ایسا آتا ہے جبکہ دولہا اور اس کے گھر والوں کے دل بھی ٹہر جاتے ہیں اور لڑکی کے آنسوؤں کو پوچھنے کی کوشش کرتے ہیں جوکہ رخصتی کا وقت ہوتا ہے.

اس موقع دلہن اور اس کے گھر والوں کی آنکھوں میں بے شمار آنسو ہوتے ہیں، جن میں کہیں خوشی ڈھلکتی ہے تو کہیں دور ہونے کا غم تو کہیں بیٹی کی آنے والی زندگی کی فکر۔ مگر دلہن بہرحال روتی ضرور ہے۔

رخصتی کے وقت رو رو کر کچھ دلہنیں بے ہوش بھی ہو جاتی ہیں اور کچھ سہم جاتی ہیں۔ مگر حال ہی میں ایک واقعہ پیش آیا، جس کو سُن کر آپ بھی افسردہ ہو جائیں گے۔

واقعہ:

بھارت کے جلندا گاؤں سے تعلق رکھنے والی گپتسواری ساہو عرف روزی نامی دلہن اپنی رخصتی کے وقت اس قدر روئی کہ اس کو دل کا دورہ پڑگیا اور وہ موقع پر ہی دم توڑ گئی۔ یہ واقعہ بھارتی ریاست اڑیسہ میں پیش آیا، جہاں شادی کی رسومات چل رہی تھیں اور سب گھر والے بہت خوش تھے، پھر رخصتی کا وقت آیا تو بیٹی اپنے والد سے کانوں میں سرگوشی کرتے ہوئے کہہ رہی تھی، ابا مجھے نہیں جانا، میری رخصتی نہ کریں، مجھے سسرالیوں سے ڈر لگ رہا ہے، آپ نے مجھے بہت محبت سے پالا ہے اور وہاں پتہ نہیں سب لوگ کیسے رہیں گے، صرف یہ کہتی ہوئی وہ بہت زیادہ روئی کہ اچانک ہچکی بندھ گئی۔

جس کے بعد دلہن بیہوش ہوگئیں، ہسپتال لے کر گئے تو ڈاکٹر نے پاسٹ مارٹم کیا جس کی رپورٹ میں معلوم ہوا کہ دلہن کو زیادہ رونے کی وجہ سے ہارٹ اٹیک ہوا ، جس کی وجہ سے اس کی موت واقعہ ہوگئی۔

جہیز کے طعنوں سے تنگ آ کر خودکشی کرنے والی ‘عائشہ’ کا آخری خط منظرِ عام پر آگیا

بھارتی شہر احمد آباد سے تعلق رکھنے والی 23 سالہ عائشہ جس نے ندی میں کود کر اپنی جان دے دی تھی، اس کے کیس میں اہم پیش رفت ہوئی ہے۔

عائشہ نے اپنے شوہر عارف کو ایک آخری خط لکھا تھا جو منظرِ عام پر آ چکا ہے۔

عائشہ نے خودکشی نوٹ میں لکھا ہے کہ ”عارف میں نے کچھ غلط نہیں کیا، مجھے بہت برا لگا کہ تم نے میرا نام کسی اور کے ساتھ جوڑ دیا، لیکن آصف میرا سب سے اچھا دوست اور بھائی ہے”۔

خط میں مزید لکھا تھا کہ ”جب مجھے 4 دن کے لیے ایک کمرے میں بند کردیا گیا تھا تو کھانے کے لیے پوچھنے والا کوئی نہیں تھا، جب میں حاملہ تھی تو تم نہیں آئے اور جب آئے تو مجھے مارا پیٹا، اس سے میرے بچے کی موت ہوگئی، اب میں اپنے بچے کے پاس جا رہی ہوں”۔

عائشہ نے خط میں مزید لکھا تھا کہ ”میں نے تمہیں کبھی دھوکا نہیں دیا ہے، ہنستے کھیلتے ہوئے دو زندگیاں برباد ہوگئیں، میں غلط نہیں تھی۔ غلط آپ کی فطرت تھی، آپ کی اہلیہ عائشہ”۔

دوسری جانب عارف کی گرفتاری کے بعد احمد آباد پولیس نے اس کے موبائل کے بارے میں پوچھ تاجھ کی، جس پر عارف نے بتایا کہ وہ اپنا موبائل پھینک چکا ہے۔ پولیس نے پوچھا کہ تم نے موبائل کس جگہ پھینکا ہے تو عارف نے اعتراف کیا کہ اس نے اپنا فون کسی دوست کے گھر پر چھپا کے رکھا ہے جس کے بعد پولیس نے موبائل اپنی تحویل میں لے لیا۔

تفتیشی پولیس افسر کا کہنا تھا کہ عارف نے عائشہ کے ساتھ موجود تمام واٹس ایپ چیٹس کو اپنے موبائل فون سے ڈیلیٹ کر دیا ہے۔ تاہم عائشہ کے موبائل میں ساری گفتگو موجود تھی۔

عارف نے پولیس کو یہ بھی بتایا کہ میں عائشہ کے حاملہ ہونے پر بہت خوش تھا، میں بچے کی پرورش کرنا چاہتا تھا۔

پولیس نے اس بات کی تصدیق کے لیے عائشہ اور عارف کے درمیان ہونے والی گفتگو کا آڈیو کلپ سنا جس سے یہ ظاہر ہوا کہ عائشہ عارف کے پاس واپس جانا چاہتی تھی لیکن عارف اسے مقدمہ درج ہونے کی وجہ سے نہیں اپنا رہا تھا۔

کسی کا ہوا رشتہ، تو کسی کی آئی بارات، کہیں ماں کی فکر تو کہیں بچے کی گونج۔۔۔ گذشتہ ہفتہ سوشل میڈیا پر کس کا چرچہ رہا؟

ہر گزرنے والا ہفتہ اپنے ساتھ کچھ اچھی اور کچھ بری یادیں چھوڑ جاتا ہے۔ گذشتہ ہفتہ سوشل میڈیا پر کئی قسم کے دلسچپ مناظر دیکھنے میں آئے، آئیے آپ بھی دیکھیئے۔

٭ عائشہ بانو کی خودکشی سے قبل ویڈیو:

ندی میں خودکشی کرنے والی بھارتی لڑکی عائشہ کی خودکشی سے قبل کی ویڈیو بھی سوشل میڈیا پر خوب وائرل ہوئی جس میں اس کا کہنا تھا کہ: ” میں خوش ہوں کہ اللہ سے مِلوں گی، ان سے پوچھوں گی کہ مجھ سے کہاں غلطی ہوئی، اللہ سے دعا کرتی ہوں کہ دوبارہ انسانوں کی شکل نہ دِکھائے”۔

٭ سعدیہ افضال کی شادی:

نیوز اینکر سعدیہ افضال کی سینیٹر فیصل واوڈا کے ساتھ شادی کے بعد کی تصویر بھی خوب وائرل ہوئی، اور سب نے ان کے لئے نیک تمناؤں کا اظہار کیا۔

٭ شاہد آفریدی کی بیٹی کا رشتہ:

شاہد آفریدی کی بیٹی اسمارہ کا رشتہ کرکٹر شاہین آفریدی کے ساتھ طے پانے پر شاہد اور ان کی بیٹی کے ساتھ شاہین آفریدی کی تصویر ہر جگہ وائرل ہو رہی ہے۔

٭ رحمت اجمل کا نکاح:

اداکارہ رحمت اجمل کے نکاح اور شادی کی دیگر رسومات کی تصاویر بھی بہت وائرل ہوئیں۔

٭ عماد وسیم کی بیٹی :

کرکٹر عماد وسیم کے ہاں بیٹی کی پیدائش پر سوشل میڈیا پر ہر طرف ان کو مبارکباد دی جا رہی تھی۔

٭ راکھی ساونت:

اداکارہ راکھی ساونت کی والدہ کینسر کی وجہ سے ہسپتال میں داخل ہیں، جن کی کیموتھراپی ہو رہی ہے، ان کی ہسپتال سے تصویر بہت وائرل ہوئی اور ساتھی اداکاروں نے ان کی صحتیابی کے لئے دعائیں کی۔

٭ احسن اقبال کو چپل پڑی:

پارلیمنٹ ہاؤس کے باہر پی ٹی آئی کارکنوں اور ن لیگی رہنماؤں کے مابین دھکم پیل اور ہاتھا پائی کے دوران کسی کی جانب سے ن لیگی رہنما احسن اقبال کے سر کے پیچھے چپل پڑ گئی۔ کارکنان سے گفتگو کے بعد احسن اقبال پیچھے کی جانب مُڑ کر اس وقت اپنے ہاتھوں میں ن لیگی جھنڈا لئیے اسے چوم رہے تھے۔

کینیڈین ولاگر روزی گیبریل نے پاکستانی لڑکے سے شادی

کینیڈین ولاگر روزی گیبریل نے پاکستانی لڑکے سے شادی کی تصویر بھی بہت وائرل ہوئی۔ اپنے شوہر عدیل عامر کے ساتھ تصویر شیئر کرتے ہوئے روزی گیبریل نے اپنی جذباتی پوسٹ میں لکھا کہ ‘میں نے کبھی نہیں سوچا تھا کہ میں پاکستان آؤں گی اور مجھے محبت ہو جائے گی’۔

٭ 15 سالہ نبیل کی تصویر:

15 سالہ نبیل نے “ایف ایف میٹنگ” کے نام سے واٹس کے جیسی ہی ایپلیکیشن بنائی ہے, ایپلیکیشن میں انکرپٹڈ کالز کی سہولت, بیک وقت 5 لاکھ سے زائد افراد کو میسج کرنے کی سہولت موجود ہے، ساتھ ہی نبیل نے ایسے لوگوں کا بھی خاص خیال رکھا ہے جو کلر بلائنڈ یا رنگ کورے ہیں ان کے لئے خاص تھیم بنائی ہیں تاکہ وہ بھی ایپلی کیشن کا استعمال اپنی مرضی کے مطابق کر سکیں۔ ان کی تصویر بھی خوب وائرل ہوئی۔

یہ تو بالکل جڑواں لگتے ہیں! جانیں شوبز انڈسٹری کے 5 اداکاروں کے ہم شکل کون ہیں؟ تصاویر دیکھ کر آپ دنگ رہ جائیں گے

کہتے ہیں کہ دنیا بھر میں ایک ہی شکل کے 7 لوگ ہوتے ہیں، یہ سن کر آپ کو ضرور حیرانی ہوئی ہو گی کہ ایک ہی شکل کے سات لوگ کیسے ہو سکتے ہیں، یہ تو ایک بھی ہونا کافی تعجب کی بات ہے لیکن یہ حقیقت ہے۔

شوبز انڈسٹری سے تعلق رکھنے والے بھی کئی اداکار ایسے ہیں جن کے ہم شکل دنیا کے مختلف ممالک سے نکل کر آئے اور سوشل میڈیا پر چھا گئے۔

آج ہم آپ کو 5 اداکاروں کے ہم شکل دکھانے والے ہیں، جنہیں دیکھ کر آپ بھی یہ ہی کہیں گے کہ یہ تو جڑواں لگتے ہیں۔

1) ماہرہ خان

سب سے پہلے بات کریں گے پاکستان کی سپر اسٹار ماہرہ خان کی، جنہوں نے ناصرف پاکستان کی فلموں میں اداکاری کے جوہر دکھائے بلکہ بھارتی فلم میں شاہ رخ خان کی ہیروئن کے طور پر کام کیا۔ کچھ عرصہ قبل اداکارہ کی ہم شکل کی تصاویر سوشل میڈیا پر خوب وائرل ہوئیں۔ پاکستان سے تعلق رکھنے والی لائف اسٹائل بلاگر کراسا انور بالکل ماہرہ کی جڑواں بہن لگتی ہیں۔ آپ بھی دیکھیں۔

2) اقراء عزیز

پاکستان کی ایک اور معروف اداکارہ اقراء عزیز کو کسی تعارف کی ضرورت نہیں، سپر ہٹ ڈراموں میں شاندار اداکاری کا مظاہرہ کرنے والی اقراء کی بھی ہم شکل ہیں جن کا تعلق لبنان سے ہے۔ ‘بیروت لبنان’ نامی خاتون ایک آرٹسٹ ہونے کے ساتھ ساتھ ایک سنگر بھی ہیں۔ ان دونوں کی مسکراہٹ میں بے انتہا مماثلت دیکھی جا سکتی ہے، تصاویر دیکھیں۔

3) حمزہ علی عباسی

شوبز کو خیر آباد کہنے والے حمزہ علی عباسی کے جڑواں بھی منظرِ عام پر آئے۔ یاسر عمار کا تعلق میانوالی سے ہے جبکہ انہوں نے اپنی کچھ ویڈیوز ٹک ٹاک پر اپ لوڈ کیں، جس کے بعد یہ مشہور ہو گئے۔

4) حمیمہ ملک

اداکارہ حمیمہ ملک کو لوگوں نے ترکی کی اداکارہ برسن عبداللہ سے مِلایا۔ برسن نے مشہور ترک سیریز ارطغرل غازی میں ”حفصہ خاتون” کا کردار ادا کیا۔ تصاویر دیکھیں۔

5) عائزہ خان

برازیل سے تعلق رکھنے والی ماڈل و اداکارہ ‘لیٹیسیا المیڈا’ کی شکل پاکستان کی مقبول ترین اداکارہ عائزہ خان سے بے انتہا مماثلت رکھتی ہے۔ مسکراہٹ سے لے کر چہرے کے مختلف خدوخال بھی ملتے جلتے ہیں۔

٭ ان میں سے کس کی شکل سب سے زیادہ مِل رہی ہے؟ اپنی قیمتی رائے سے ضرور آگاہ کریں

صرف عورت مارچ ہی کیوں؟ کیا مرد بھی اپنے حقوق کے لیے عورت کو للکارے؟

کیا بات ہے اب کھانا گرم کرنے سے بھی چھٹکارا چاہئے۔ گزشتہ تین سالوں سے عورتوں کے عالمی دن پر مچنے والا شور عورتوں کے حقوق سے زیادہ مردوں کے خلاف اعلانِ جنگ زیادہ معلوم ہوتا ہے۔ اگر آپ نے عورت مارچ میں شامل خواتین کے بینرز دیکھے ہوں تو آپ کو اندازہ ہوگا کہ ہر بینر خواتین کے حقوق اجاگر کرنے کے بجائے مردوں کو للکارنے کے لئے بنا تھا۔ اب اگر خواتین کے حقوق مردوں کی نفی اور مخالفت کرنے میں ہیں تو مردوں کے حقوق کون دے گا؟ کیا مردوں کو مرد مارچ کرنا چاہئے؟

مردوں کے حقوق کون دے گا؟
مشقت بھرا دن گزار کر اگر مرد گھر آتا ہے اور گھر میں موجود اس کی بیوی، بہن یا بیٹی اسے پانی کا گلاس پکڑا دیتی ہے یا کھانا گرم کر کے دیتی ہے تو اس میں عورت کے حقوق کس جگہ سلب ہورہے ہیں؟ مثال دی جاتی ہے کہ مرد اور عورت ایک گاڑی کے دو پہیے ہیں اور دونوں کا کام مل کر زندگی کی گاڑی کھینچنا ہے۔ اگر مرد اخراجات کی ذمہ داری اٹھاتا ہے اور خواتین گھر بنانے کی تو اس میں عورت کے حقوق کس طرح متاثر ہوتے ہیں؟ اور اگر عورتیں اتنا بھی نہیں کرنا چاہتیں تو یہ بتائیں کہ کام سے تھکا ہارا آیا مرد جو اپنی تنخواہ سے گھر بھی چلائے اور گھر آکر اپنا کھانا بھی اسے خود گرم کرنا پڑے یا اپنے اپنے کپڑے، موزے بھی خود دھونے پڑیں تو کیا یہ اس پر دوہری ذمہ داری نہیں؟ اگر مرد عورت کے اخراجات پورے کرتا ہے اسے، تحفظ دیتا ہے تو کیا عورت کو مرد کے لئے کچھ نہیں کرنا چاہیے؟ اور مردوں کے ساتھ مل بانٹ کر کام کرنے سے عورتوں کے حقوق پر ضرپ پڑ رہی ہے تو مرد کے حقوق کون پورے کرے گا؟

مرد مارچ کیسے ہو؟
اگر عورت مارچ ہورہا ہے تو مرد مارچ بھی ہونا چاہیے جس میں مردوں کے حقوق پر بات کی جائے کہ کس طرح دو خواتین کی لڑائی میں مرد پستا ہے۔ کس طرح مردوں کو کمانے کے ساتھ ساتھ گھریلو کام کر کے دوہری ذمہ داریاں اٹھانی پڑتی ہیں اور کس طرح باپ کی مصروفیت کی وجہ سے بچے ماں سے زیادہ قریب ہوتے ہیں اور پاب کی محنت اور پیار کو نظر انداز کردیتے ہیں۔

پچھلے برس مرد مارچ ہوا تھا لیکن اس پر اتنا شور و غوغا نہیں مچا جتنا کہ عورت مارچ پر جس کی وجہ مردوں کے پاس اپنے حقوق مانگنے کے لئے بھی وقت کا نا ہونا شامل تھا۔ اس کے علاوہ مہذب بینرز کا استعمال کرنا جو کسی عورت کو للکار نہیں رہے تھے اور اس کے علاوہ میڈیا جس طرح عورتوں کی مظلومیت کو ریٹنگ کے لئے استعمال کرتا ہے وہ ریٹنگ اسے مرد مارچ میں نہیں ملتی اس لئے میڈیا نے بھی مرد مارچ پر زیادہ توجہ نہیں دی-

اِس سال عورت مارچ کو ملتوی ہونا چاہیے کیونکہ۔۔۔ غریدہ فاروقی عورت مارچ کے خلاف کیوں ہیں؟

پاکستان کی معروف صحافی، نیوز اینکر اور ٹاک شو کی میزبان غریدہ فاروقی نے عورت مارچ کو اس سال ملتوی کرنے کا مشورہ دیا ہے۔

تفصیلات کے مطابق غریدہ فاروقی نے سماجی رابطے کی ویب سائٹ ٹوئٹر پر جاری اپنے پیغام میں کہا ہے کہ ”کورونا کی پاکستان میں تیسری لہر۔ کیسز خطرناک حدتک بڑھ رہے۔ ذمہ دار شہری ذمہ دار عورت ہونے کے ناطے میں سمجھتی ہوں اِس سال عورت مارچ کو ملتوی ہونا چاہئیے”۔

انہوں نے مزید لکھا کہ SOPs کا پرچار کیا جا رہا ہےجو بہت اچھی بات ہے مگر جہاں gathering ہو وہاں خطرہ رہتا ہے۔ دنیا بھر میں خواتین نے pandemic کے خلاف سب سے زیادہ ذمہ داری دکھائی ہے۔

ایک اور ٹوئٹ جاری کرتے ہوئے غریدہ فاروقی نے خواتین کو ان کے عالمی دن پر مبارکباد پیش کی۔

چکن کو’’پر‘‘ لگ گئے ،عوام کیلئے مرغی پکانا’’خواب‘‘ بن گیا،فی کلو قیمت کہاں تک جاپہنچی ،عوام کے ہوش اڑ ادینے والی خبرآگئی

لاہور(پی این این)مرغی کاگوشت 350سے 400 روپے کلو تک پہنچ گیا مرغی کاگوشت 350سے 400 روپے کلو تک پہنچ گیا۔میڈیا رپورٹس کے مطابق ملک کے طول و عرض میں مہنگائی نے ڈیرے جما لیے۔ مرغی کے گوشت کی قیمت میں آئے روز اضافہ دیکھا جارہا ہے۔لاہور میں چکن کا فی کلو بھاؤ 365 روپے تک پہنچ گیا ہے۔ کوئٹہ میں ایک ہفتے میں150 روپے مہنگا ہوکر400 روپے کلو ہوگیا۔نرخوں میں اضافے پر شہری بلبلا

اٹھے۔ملتان میں سات دن میں بھاؤ دوباربڑھنے سے گوشت350 روپے کلو ہوگیا۔فیصل آباد میں چکن سرکاری ریٹ پر 374روپے کلو میں فروخت ہورہا ہے۔۔حکومت سے نالاں شہریوں میں گوشت پکانے کی سکت نہیں رہی۔شہریوں نے توقع ظاہر کی ہےکہ دوبارہ اعتماد کاووٹ لینے والےوزیراعظم مہنگائی کنٹرول کرنے پرزیادہ توجہ دیں گے۔

یہی تو ہے ریاست مدینہ۔۔۔ چینی ، گھی ، آٹا ، چاول ، مشروبات سب کچھ بے حد سستا،حکومت کا ایسا اقدام کہ عوام کی خوشی کی انتہانہ رہی

لاہور (مانیٹرنگ ڈیسک) پنجاب حکومت نے مہنگائی کے پسے عوام کو ریلیف کی فراہمی کےلئے قابل تعریف اقدام کرتے ہوئے رمضان ریلیف پیکج متعارف کروانے کا فیصلہ کر لیا ہے۔تفصیلات کے مطابق عوام کو سستی اشیائے خورد و نوش کی فراہمی یقینی بنانے کیلئے حکومت نے 6 ارب 37 کروڑ روپے سے زائد کا رمضان ریلیف پیکج تیار کرلیا ، وزارت صنعت و پیداوار نے یوٹیلٹی اسٹورز پر6 ارب 37 کروڑ روپے سے زائد کا رمضان ریلیف پیکج دینے کی تجویز دی گئی ہے ، اس ضمن میں چینی 68 روپے کلو

گھی 200 روپے فی کلو اور 20 کلو آٹے کا تھیلا 800 روپے میں فروخت کرنے کی تجویز دی گئی ہے جب کہ مجموعی طور پر رمضان پیکج کے تحت 19 اشیائےضروریہ پر10 سے 50 روپےتک سبسڈی تجویزکی گئی ہے ، جس کے تحت چائے کی پتی پر 50 اور دودھ پر 20 روپے جب کہ باسمتی اورسیلا چاول پر 10 روپے اور ٹوٹا چاول پر12 روپے فی کلو سبسڈی دینے کی تجویز ہے۔بتایا گیا ہے کہ 1500 ملی لٹرمشروبات کی بوتل پر 25 روپے اور800 ملی لٹر بوتل پر20 روپے سبسڈی تجویزکردی گئی ، خوردنی تیل پر 20 اور دال چنا پر 15 روپے فی کلو سبسڈی کی تجویز ہے جب کہ دال ماش اور دال مونگ پر 10,10 روپے فی کلو ، دال مسور پر 30 روپے ، دال چنا پر 25 اور بیسن پر 20 روپے فی کلوسبسڈی دیے جانے کا امکان ہے ، اس ضمن میں وزارت صنعت و پیداوار نے سمری تیار کرکے اقتصادی رابطہ کمیٹی کو ارسال کر دی۔لاہور (مانیٹرنگ ڈیسک) پنجاب حکومت نے مہنگائی کے پسے عوام کو ریلیف کی فراہمی کےلئے قابل تعریف اقدام کرتے ہوئے رمضان ریلیف پیکج متعارف کروانے کا فیصلہ کر لیا ہے۔تفصیلات کے مطابق عوام کو سستی اشیائے خورد و نوش کی فراہمی یقینی بنانے کیلئے حکومت نے 6 ارب 37 کروڑ روپے سے زائد کا رمضان ریلیف پیکج تیار کرلیا ، وزارت صنعت و پیداوار نے یوٹیلٹی اسٹورز پر6 ارب 37 کروڑ روپے سے زائد کا رمضان ریلیف پیکج دینے کی تجویز دی گئی ہے ، اس ضمن میں چینی 68 روپے کلو ، گھی 200 روپے فی کلو اور 20 کلو آٹے کا تھیلا 800 روپے میں فروخت کرنے کی تجویز دی گئی ہے

پی ایس ایل چھ، کب کیا کیسے ہوا، پی سی بی بے حد پریشان

لاہور (مانیٹرنگ ڈیسک) پی سی بی نے پی ایس ایل کے دوران کرونا وائرس کے پھیلائو کی تحقیقات کرنے کا فیصلہ کرلیا ہے۔وبائی امراض کے ماہر ڈاکٹر سید فیصل محمود اور ڈاکٹر سلمہ محمد عباس پر مشتمل 2 رکنی فیکٹ فائنڈنگ پینل مقررہ بائیو سیکیور پروٹوکولز اور ضمنی قوانین کا ازسرنو جائزہ لے گا۔ ڈاکٹر سید فیصل محمود آغا خان یونیورسٹی میں شعبہ

وبائی امراض میں بطورسیکشن ہیڈ اور اسسٹنٹ پروفیسر ذمہ داریاں نبھارہے ہیں۔ ڈاکٹر سلمہ محمد عباس شوکت خانم میموریل کینسر ہسپتال اور ریسرچ سنٹر لاہور میں بطور کنسلٹنٹ برائے وبائی امراض اینڈ جنرل میڈیسن کی حیثیت سے فرائض انجام دے رہی ہیں۔ یہ پینل 31 مارچ تک اپنی سفارشات اور تجاویز چیئرمین پی سی بی احسان مانی کو پیش کرے گا۔اس آزاد پینل کی ذمہ داری ہوگی کہ وہ پی ایس ایل 6 کے لیے تیار کردہ کورونا ایس او پیز کا ایک جامع اور تفصیلی جائزہ لینے کے بعد وہاں موجود کسی بھی خامی کی نشاندہی کرے اور اپنی سفارشات پیش کرے کہ یہ بائیو سیکیور ماحول کورونا فری کیوں نہ رہ سکا۔